छठ पर्व सुरु,काठमाडौं लगाएत देशको धेरै ठाउमा मनाइदै
२३ कात्तिक,काठमाडौं । हिन्दुहरुको पर्व छठ सुरु भएको छ । आज छठको दोश्रो दिन हो ।
हिन्दु धार्मिक मान्यता अनुसार छठ वर्षमा दुई पटक कात्तिक र चैत्रमा अत्यन्तै निष्ठापूर्वक मनाइन्छ । कात्तिक शुक्ल चतुर्दशीका दिनदेखि शुरु हुने सूर्य उपासनाको पर्व छठलाई तराई मधेस तथा मिथिलाञ्चलको महान पर्व पनि भनिन्छ ।
छठको आज दोस्रो दिन व्रतालुहरू नुहाइ धुवाइ गरी शुद्ध भई पूजाका सामग्री तयार गरी रहेका छन् । छठ व्रत गर्ने व्रतालु महिला तथा पुरुषहरूले हिजो चोखो अरवा चामलको भात, चना, रहरको दाल, फर्सी, लौकाको तरकारी खाएर छठ पर्व सुरु गरेका हुन् ।
छठ पर्वको पहिलो दिनलाई नहाए खाए भनिन्छ । पर्वको दोश्रो दिन मंगलवार व्रतालुहरूले खरना मनाइरहेका छन । खरनाको दिन व्रतालुहरू बिहानैदेखि निर्जला रही बेलुका नयाँ माटोको चुल्होमा प्रासादको रुपमा साठी धानको चामल र गाई, भैंसीको दुधको खीर र गहुँको पिठोको रोटी पकाई छठी मातालाई चढाउँछन् । त्यही प्रसाद खाने गर्दछन् । त्यसछि ब्रतालुहरु ३६ घण्टा पानीसमेत नखाएर निराहार व्रत शुरु हुनेछ ।
छठ अन्तर्गत भोलि बुधवार बेलुका अस्ताउँदै गरेको सूर्यलाई अर्घ दिइने र पर्सिपल्ट बिहीवार बिहान उदाउँदो सूर्यलाई विधि पूर्वक अर्घ दिएपछि छठ विधिवत रुपमा सकिन्छ । सरकारले भोलि सार्वजनिक विदा समेत दिएको छ ।
