हर्क साम्पाङले बालेन शाहलाई पराजित गर्ने दाबी

साम्पाङले आफ्नो सन्देशमा बालेन शाहमाथि सीधा चुनौती प्रस्तुत गर्दै भनेका छन् कि परिवर्तनको नारा लगाएर राजनीति गर्नेहरूसँग जनताको वास्तविक मुद्दा समाधान गर्ने स्पष्ट एजेन्डा नभएको आरोप लगाए। उनले आफू नेतृत्वको श्रम संस्कृति पार्टी श्रम, आत्मनिर्भरता र स्वदेशी उत्पादनमा आधारित राजनीतिक दर्शनसहित चुनावी मैदानमा उत्रिने र त्यसले जनताको विश्वास जित्ने दाबी गरे।

हाल काठमाडौं महानगरपालिकाका मेयर बालेन शाह राष्ट्रिय स्वतन्त्र पार्टी (रास्वपा)बाट प्रतिनिधि सभाको निर्वाचनमा उम्मेदवारी दिने तयारीमा रहेका छन्। तर उनले कुन निर्वाचन क्षेत्रबाट चुनाव लड्ने भन्ने विषय अझै सार्वजनिक गरेका छैनन्। रास्वपा र बालेनबीच भएको पछिल्लो राजनीतिक सहमतिपछि बालेनलाई भावी प्रधानमन्त्रीको उम्मेदवारका रूपमा अघि सारिने चर्चा चलिरहेका बेला साम्पाङको यो अभिव्यक्तिले राजनीतिक बहस थप चर्किएको छ।

हर्क साम्पाङ पछिल्लो समय वैकल्पिक राजनीतिक शक्तिहरूमाथि आलोचनात्मक टिप्पणी गर्दै आएका छन्। उनले सामाजिक सञ्जाल र सार्वजनिक मञ्चहरूमा बारम्बार ‘नयाँ अनुहार’को राजनीतिभन्दा विचार, निष्ठा र आत्मनिर्भर अर्थतन्त्रको राजनीति आवश्यक रहेको बताउँदै आएका छन्। उनको पछिल्लो चुनौतीले आगामी निर्वाचनमा वैकल्पिक शक्तिहरूबीच प्रतिस्पर्धा अझ तीव्र हुने संकेत गरेको छ।