रवीन्द्र मिश्रद्वारा मिलन पाण्डेलाई पार्टीबाट निष्कासन
विवेकशील साझा पार्टीका अध्यक्ष रवीन्द्र मिश्रले संयोजक मिलन पाण्डेलाई पार्टीबाट निष्कासन गरेका छन्।
पार्टीलाई गम्भीर क्षति पुर्याउने गरी बदनियतपूर्वक पार्टी विधान र केन्द्रीय समितिका निर्णयहरू विपरीतको गतिविधि लगातार जारी राखेको तथा केन्द्रीय समितिको बैठकमा निरन्तर अनुपस्थित भएको आरोपमा पार्टीको सदस्य समेत नरहने गरी निष्कासन गरेका हुन्।
पार्टीको केन्द्रीय कार्यसम्पादन समितिको बैठकको निर्णय अनुसार स्पष्टीकरण यथार्थ, तथ्यपरक र चित्तबुझ्दो जवाफ नआएको भन्दै निष्कासन गरेको पार्टीका अध्यक्ष मिश्रले जारी गरेको विज्ञप्तिमा उल्लेख गरिएको छ।
‘पार्टीको केन्द्रीय कार्यसम्पादन समितिको आज मिति २०७८ पुष ६ गते बसेको बैठकले विवेकशील साझा पार्टीको विधान २०७८ को भाग ७ ९३१.१० को अधिकार प्रयोग गर्दै तपाईँलाई आजकै मितिदेखि लागु हुने गरी पार्टीको सदस्यसमेत नरहने गरी निष्कासन गर्ने निर्णय गरेको छ।’
