कालो लुगामा महिला युवाद्वारा सरकार विरुद्ध प्रदर्शन(तस्बिर हरु)
काठमाडौ । राष्ट्रिय युवा संघ नेपालमा आबद्ध महिलाहरुले आज सरकारको बिरोधमा काठमाडौको नयाँ बानेश्वरमा प्रदर्शन गरेका छन् ।
राष्ट्रिय युवा संघ नेपालको आयोजनामा भएको यस कार्यक्रममा स्थानीय तह निर्वाचनको स्वीकार्यता, मन्त्री रेणुकुमारी यादवको बर्खास्ती, मूल्यवृद्धि खारेज, नेपाली भूमि फिर्ता, खोप चोरी प्रकरणमा संलग्न स्वास्थ्य मन्त्रीलाई कारबाही लगायतका माग राख्दै ‘वृहत् युवा महिला विरोध प्रदर्शन’ को आयोजना गरिएको संघका प्रचार विभाग प्रमुख माहाराज गुरुङले बताउनु भयो ।
राष्ट्रिय युवा संघका संयोजक किरण पौडेलले कार्यक्रमलाई सम्बोधन गर्दै सरकारले युवाहरुको आवज नसुने आन्दोलन अझ ससक्त बनाउने चेतावनी दिएका छन् । कार्यक्रमलाई सम्बोधन गर्दै सह संयोजक क्रान्ति बुर्लाकोटीले पनि आन्दोलनलाई निरन्तर दिने बताएकी छन् ।
राष्ट्रिय युवा संघ नेपालले केही हप्ता अधि देखी स्थानीय निर्वाचनको माग गर्दै आन्दोलन गर्दै थियो,जसअनुरुप सरकारले निर्वाचन समेत घोषणा गरेको थियो ।
