फरकफरक मितिमा तीनवटा मोटरसाइकल चोर्ने तीनजना पक्राउ
काठमाडौं । मोटरसाइकल चोरी गरेको आरोपमा प्रहरीले तीन जनालाई पक्राउ गरेको छ । पक्राउ पर्नेमा कालिकोटको सान्नी त्रिवेणी गाउँपालिका–६ का २५ वर्षीय नवीनकुमार शाही, सोही ठाउँका २९ वर्षीय रमेश बम र कालिकोटकै रासकोट नगरपालिका–१ का २० वर्षीय दन्त शाही रहेका छन् ।
प्रहरीका अनुसार मंसिर २९ गते काठमाडौंस्थित बौद्धमा पार्किङ गरिएको बा ६३ प २७२७ नम्बरको २२० सीसीको मोटरसाइकल चोरी भएको थियो । यसैगरी पुस ८ गते सिनामंगलबाट बा ७० प ६२०५ नम्बरको २२० सीसीकै पल्सर मोटरसाइकल चोरी भएको थियो । अनुसन्धानको क्रममा दुवै मोटरसाइकल चोरीमा उनीहरू संलग्न रहेको देखिएको प्रहरीले जनाएको छ ।
थप अनुसन्धान गर्दै जाँदा उनीहरूले ०७९ चैत २९ गते काठमाडौंकै टुसालमा पार्किङ गरिएको बा।प्र। ०२–०१६ प ५८६३ नम्बरको २०० सीसीको पल्सर एनएस मोटरसाइकल पनि चोरी गरेको पाइएको प्रहरीले जनाएको छ । उनीहरूलाई काठमाडौंको कपनस्थिच आकासे धाराबाट पक्राउ गरिएक हो ।
