एमालेले बोलायो स्थायी कमिटी बैठक
कार्तिक ३, काठमाडौं । प्रमुख प्रतिपक्षी दल नेकपा एमालेले भोलि स्थायी कमिटी बैठक बोलाएको छ । बिहीबार दिउँसो तीन बजे ललितपुरको च्यासलस्थित तुलसीलाल स्मृति भवनमा स्थायी कमिटी बैठक बोलाइएको छ ।
बैठकमा विधान महाधिवेशनको समीक्षा, वडा र पालिका अधिवेशन, राष्ट्रिय महाधिवेशन, अविरल वर्षाका कारण भएको धनजनको क्षतिलगायतका विषयमा छलफल हुने बताइएको छ ।
एमालेको वडा अधिवेशन कार्तिक ६ देखि सुरु हुदै छ भने आगामी १० देखि १२ मंसिरमा दशौं राष्ट्रिय महाधिवेशन हुने मिति तोकिएको छ ।
