मेलम्ची हेलम्बु सडक आशिंक सञ्चालनमा
काठमाडौँ । बर्षाले अवरुद्ध मेलम्ची —हेलम्बु सडक सञ्चालनमा आएको छ । शुक्रबार रातिको बाढीले मेलम्ची —हेलम्बु सडकको ग्यालथुम ,क्युल ,सिमखेत लगायत क्षेत्रमा पहिरो तथा बाढी पस्दा यातायात तथा मानिस आवतजावतमै समस्या भएको थियो । हेलम्बुमा सबै ठाँउमा बिहानै सडक मर्मत गरिएको गाँउपालिका अध्यक्ष निमा ग्याल्जेन शेर्पाले जानकारी दिनुभयो ।
मेलम्चीको सिमखेतमा बाढीले धैरेनै क्षति गरेपछि आज मध्यान्नबाट पानी केहि कम भएर गाडी वारपार भएको नगर प्रमुख आइतमान तामाङले जानकारी दिनुभयो ।केहि बेरमा पुर्ण रुपमा सडक सञ्चालनमा आउने उहाँले बताउनुभयो । बाढीले यस क्षेत्रमा दैनिक सडक अवरुद्ध हुने गरेको छ ।
यता मेलम्ची —पाँचपोखरी सडक अवरुद्ध भएको छ । खाल्डेखोलामा सडक भासिदा यातायात अवरुद्ध भएको छ । यसले पाँचपोखरी हिडेँका यात्रुलाई समस्या भएको छ । अपरान्ह सम्म सडक सुचारु गरिने गाँउपालिकाका प्रवत्ता नारायण भट्टराईले जानकारी दिनुभयो ।
