आज संसदबाट विवादस्पद कार्यकाल थप्ने विधेयक पारित गर्ने सरकारको तयारी
काठमाडौं – संघीय संसद्का दुवै सदन प्रतिनिधि सभा र राष्ट्रिय सभाको बैठक आज बस्दैछ ।
संघीय संसद् भवन नयाँ बानेश्वरमा दिउँसो १ बजे बस्ने प्रतिनिधि सभा बैठकमा प्रतिनिधि सभा र प्रदेश सभाको कार्यकाल थप्नेसम्बन्धी विवादास्पद विधेयक पारित गर्ने सरकारको तयारी छ ।
बैठकमा कानुनमन्त्री गोविन्द प्रसाद शर्मा कोइरालाले केही नेपाल ऐन संशोधन गर्ने विधेयक, २०७९ माथिको दफावार छलफल सदनमा गरियोस् भन्ने प्रस्ताव प्रस्तुत गर्नुहुनेछ ।त्यसपछि सो विधेयकमाथि प्राप्त संशोधनहरुलाई निर्णयार्थ प्रस्तुत गरिनेछ ।
त्यसपछि ुकेही नेपाल ऐन संशोधन गर्ने विधेयक, २०७९ पारित गरियोस्ु भन्ने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ ।
सरकारले सदनको कार्यकाल थप्ने विषयलाई सो विधेयकमा समेटेर ल्याएको हो । संसद्को कार्यदल थप्नेसम्बन्धी विधेयकको प्रमुख प्रतिपक्षी नेकपा एमालेले विरोध गरेको छ । निर्वाचन आयोगले पनि सो विधेयमाथि आपत्ति जनाएको छ ।
राष्ट्रिय सभा बैठक पनि आज बस्दैछ । दिउँसो १२स्५९ बजे बस्ने बैठकमा अर्थमन्त्री जनार्दन शर्माले प्रतिनिधि सभाबाट सन्देशसहित प्राप्त बीमा विधेयक,२०७५ र सार्वजनिक ऋण व्यवस्थापन विधेयक,२०७६ माथि विचार गरियोस् भनि प्रस्ताव प्रस्तुत गर्नुहुने लगायत कार्यसूची छ ।
