चुरियामाई सुरुङ्गको पुर्नर्निमाणको काम सुरु
हेटौडा । दक्षिण एशियाकै मानव निर्मित पहिलो सुरुङ्ग चुरियामाई सुरुङ्गको पुर्नर्निमाणको काम सुरु भएको छ । हिजो बागमतीका मुख्यमन्त्री डोरमणि पौडेल ले ऐतिहासिक चुरियामाई सुरुङ्गको पुनःनिर्माणको शुभारम्भ गर्नुभएको छ ।
सन् १९१७ मा दक्षिण एशियाकै मानव निर्मित पहिलो सुरुङ्ग चुरियामाई सुरुङ्ग बनेको थियो। श्री ३ चन्द्र शमशेरको पालामा नेपाली ईन्जिनियर डिल्लीजगं थापाले ईन्जिनियरीङ्ग गरेको सुरुङ्गलाई सम्पदाको रुपमा संरक्षणका लागि पुनर्निर्माण गर्न र बागमती प्रदेशमा भौतिक पूर्वाधार अध्ययन केन्द्रको रुपमा विकास गर्न बहुवर्षिय योजना अगाडि बढाइएको छ।
