वाईसीएल नेपालले मेट्रो कपको आयोजना गर्दै
काठमाडौं । नेकपा माओवादी केन्द्रको भात्रृ सङ्गठन वाईसीएल नेपाल को काठमाडौं क्षेत्र नम्बर १ कमिटीले मेट्रो फुटसल कप २०७८ आयोजित गर्ने भएको छ । असोज २२ गतेदेखि भृकुटीमण्डपमा आयोजना हुने प्रतियोगिता मा ३६ वटा टोलीले प्रतिस्पर्धा गर्ने भएका छन् । ३६ टोलीलाई ८ वटा समूहमा विभाजन गरिएको आयोजकले जनाएको छ । टाईसीट गोल नेपालबाट लाइभ ड्र गरिएको थियो ।
आयोजकले प्रतियोगिता ग्रुपमा लिग हुँदै नकआउट चरणका खेलहरू खेलिने जनाएको छ । प्रतियोगिताको विजेताले १ लाख रुपैयाँ पुरस्कार पाउनेछन् भने दोस्रोले ५० हजार र तेस्रो हुने टोलीले २५ हजार रुपैयाँ प्राप्त गर्नेछन् । प्रतियोगिताको उद्घाटन अर्थमन्त्री जनार्दन शर्माले गर्नेछन् ।
