भोली देखी राष्ट्रिय रेस्लिङ प्रतियोगिता,सम्पूर्ण तयारी पुरा
कार्तिक १२ , काठमाडौं।दोलखाको सदरमुकाम चरिकोटमा पहिलोपटक आयोजना हुन लागेको हाई अल्टिच्युड राष्ट्रिय रेस्लिङ प्रतियोगिताको तयारी पूरा भएको छ। प्रदेश खेलकुद परिषद् र रिङ रेस्लिङ संघको संयुक्त आयोजनामा यही कात्तिक १३ गते चरिकोटस्थित भ्युटावर खेलमैदानमा हुने हाई अल्टिच्युड राष्ट्रिय रेस्लिङ प्रतियोगिताको तयारी पूरा भएको हो।
प्रतियोगितामा देशभरका १७ पुरुष तथा महिला रेस्लरले प्रतिस्पर्धा गर्ने रेस्लिङ संघका केन्द्रीय महासचिव सुवर्ण श्रेष्ठले जानकारी दिए। खेल क्षेत्रको विकाससँगै कोभिड महामारीले थलिएको पर्यटन क्षेत्रलाई टेवा पुर्याउने उद्देश्यले दोलखामा प्रतियोगिता आयोजना गरिएको र प्रतियोगिताको सम्पूर्ण तयारी पूरा भएको महासचिव श्रेष्ठले जानकारी दिए।
