छात्रवृत्तिका लागि अरुणिमा अक्षयकोष स्थापना
काठमाडौँ ।अरुणिमा शैक्षिक प्रतिष्ठानले शैक्षिक छात्रवृत्ति लगायतका उद्देश्य लिएर अरुणिमा अक्षय कोषको स्थापना गरेको छ । सो कोषले जेहेन्दार तथा विपन्न विद्यार्थीहरुलाई शैक्षिक छात्रवृत्ति दिनेछ । अक्षय कोष स्थापनाका लागि हालै सम्पन्न एक भेलाले कोषको प्रस्तावित विधान एवम् योजनाहरुबारे छलफल गरेको छ ।
भेलाले भिमानन्द ढुंगानको अध्यक्षतामा कोष सञ्चालनको कार्यसमिति समेत गठन गरेको छ । कार्यक्रममा अरुणिमा आल्मुनाईको तर्फबाट पाँच लाख रुपैंया कोषमा हस्तान्तरण गरिने जानकारी गराइएको थियो । कार्यक्रममा बोल्दै कोषका अध्यक्ष भिमानन्द ढुंगानाले नवगठित कार्यसमितिले कोषमा व्यापक आजिवन सदस्यहरु समेट्दै कोष वृद्धि गर्दै योजना तथा उद्देश्यहरु प्रिपुर्ति गर्ने बताउनुभयो ।
अरुणिमा शैक्षिक प्रतिष्ठानले काठमाडौंको बौद्धमा विद्यालय तह र स्नातक तहसम्म पठनपाठन गराइरहेको छ ।
