भक्तराज आचार्य कालजयी भजन र गीतहरुमा अमर रहनुहुनेछ : केपी ओली
काठमाडाैं । नेकपा एमालेका अध्यक्ष तथा पूर्व प्रधानमन्त्री केपी शर्माले ओलीले वरिष्ठ गायक तथा संगीतकार भजन शिराेमणि भक्तराज आचार्यप्रति श्रद्धाञ्जली अर्पण गर्नुभएकाे छ ।
अध्यक्ष ओलीले साेमबार सामाजिक सञ्जालमार्फ दिवंगत आचार्यप्रति श्रद्धाञ्जली अर्पण गर्नुभएकाे हाे । उहाँले कालजयी भजन र गीतहरुमा आचार्य अमर रहनुहुने उल्लेख गर्नुभएकाे छ ।
अध्यक्ष ओलीले ३ वर्षअघि आचार्यसँग भएकाे भेटकाे पनि स्मरण गर्नुभएकाे छ । ‘जहाँ छन् बुद्धका आँखा…अब यो जादुमय स्वर इतिहास भएको छ, हार्दिक श्रद्धा सुमन भजन शिरोमणि भक्तराज आचार्य, कालजयी भजन र गीतहरुमा तपाईं हामीमाझ अमर रहनुहुनेछ, तीन वर्ष अगाडिको उहाँसँगको भेट सम्झिरहेको छु’- उहाँले लेख्नुभएकाे छ ।
आचार्यकाे आज साेमबार ८१ वर्षकाे उमेरमा निधन भएकाे हाे ।
