माघे संक्रान्तिको दिन,आजको राशिफल
आज विक्रम संवत २०८१ साल, माघ १ गते, मंगलबार । ईश्वी सन् २०२५ जनवरी १४ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । तिथि–प्रतिपदा, ५१ घडी ४२ पला, रातको ३ बजेर ३९ मिनेट उप्रान्त द्धितीया । नक्षत्र–पुनर्वशु, ९ घडी ४४ पला, बिहान १० बजेर ५१ मिनेट उप्रान्त तिष्य । योग–विष्कुम्भ, ५२ घडी ४६ पला, रातको ४ बजेर ४ मिनेट उप्रान्त प्रिती । करण–बालव, दिउँसो ३ बजेर ४५ मिनेट उप्रान्त कौलव, रातको ३ बजेर ३९ मिनेट उप्रान्त तैतिल । आनन्दादिमा–स्थिर योग । चन्द्रराशि–कर्कट । काठमाडौंमा सूर्योदय बिहान ०६ बजेर ५८ मिनेट । सूर्यास्त बेलुकी ५ बजेर २८ मिनेट । दिनमान २६ घडी १६ पला ।
माघ संक्रान्ति ।
आजको राशिफल
मेष (चु,चे,चो,ला,लि,लु,ले,लो,अ)
माया प्रेममा विश्वास सिर्जना हुनेछ भने घर परिवारमा आमासँग मनमुटाव बढ्न सक्छ । राजनीति तथा समाजसेवामा सहभागी हुनेहरुले जनतासँग सन्तुलित व्यवहार गर्नुहोला । स्वास्थ्यको ख्याल गर्नुहोला छाती सम्बन्धी समस्या आउने तथा खर्च बढ्ने योग रहेकोछ । र, पनि कृषि तथा पशुपालन व्यवसायमा समय लगानी गरी भनेजस्तो आम्दानि गर्न सकिनेछ । काम र अध्ययनबाट बिश्राम पाईनेछ । खानपान, मनोरञ्जन र घुमफिरमा समय व्यतित हुनेछ ।
बृष(इ,ऊ,ए,ओ,वा,वि,वु,वे,वो)
छोटो तथा रमाइलो यात्राको तय हुनेछ भने यात्राका क्रममा रमाइला तथा मन मिल्ने साथीभाइहरु भेटिनेछन् । प्रणय सम्बन्धमा सुधार हुनेछ भने एक अर्काको सहयोगले खोजमुलक विषयमा मन जानेछ । आम्दानी बढाउन गरिने कामहरु समयमा नै सम्पन्न गरी आर्थिक स्थिती मजभुत पार्न सकिनेछ । दाजुभाइको सहयोगले राम्रा तथा परिणाममूखि कामगर्न सकिनेछ । विवादित विषयहरु तपाईंकै पक्षमा आउने हुँदा मन प्रशन्न रहनेछ ।
मिथुन (का,कि,कु,घ,ङ,छ,के,को,हा)
कुटुम्बसँगको सम्बन्धमा सुमधुरता आउनेछ भने खानपान तथा मनोरञ्जनमा समय व्यतित हुनेछ । खोज तथा अनुशन्धानको क्षेत्रमा खर्चिएको समयबाट सकारात्मक नतिजा आउने हुनाले मन प्रशन्न हुनेछ । पछिसम्म आम्दानी हुने व्यवसायमा लगानी बढाउन सकिनेछ । शुभ तथा मांगलिक सभा समारोहमा सहभागी भई मिष्ठान्न भोजन ग्रहण गर्ने अवसर जुर्नेछ । सांगीतिक यात्राको प्रवल सम्भावना रहेकोछ ।
कर्कट(हि,हु,हे,हो,डा,डी,डु,डे,डो)
सबैको सहयोग पाइने हुनाले काम गर्न जोस जागर आउनेछ । सामाजिक काममा दिन बित्ने हुँदा मन प्रशन्न रहनेछ । व्यापार व्यवसायमा लगानी गरी मनग्गे धन संग्रह गर्न सकिनेछ । माया प्रेममा सामिप्यता बढेर जानेछ भने परिवार तथा आत्मीय मित्रमा साथ रमाइलो यात्रा हुनेछ । भौतिक सम्पत्ति तथा सवारी साधन प्राप्तिको योग रहेको छ । पत्रकार, राजनीतिकर्मी तथा धार्मिक क्षेत्रमा काम गर्नेहरुका लागी समय उत्तम रहेकोछ ।
सिंह (मा,मि,मु,मे,मो,टा,टि,टु,टे)
काम गर्दा विशेष ध्यान दिनुहोला दण्ड तथा जरिवाना हुने योग रहेकोछ । स्वास्थ्यमा समस्या आउने तथा आफन्तहरु टाडिनेछन् । पढाइ लेखाइमा समय दिन नसक्दा अरुभन्दा पछी परिनेछ । तरपनि कामको शिलशिलामा लामो दुरीको यात्रा हुने योग रहेकोछ । विदेशी सामानको व्यापार व्यवसाय फस्टाएर जानेछ भने विदेशमा बसेर श्रम गर्नेहरुका लागि आजको दिन फलदायी रहनेछ । खानपान तथा भेटघाटमा समय व्यतित हुनेछ ।
कन्या (टो,पा,पि,पु,ष,ण,ठ,पे,पो)
रोकिएका काम बन्नाले उत्साह जाग्नेछ भने व्यापारबाट मनग्गे लाभ लिन सकिनेछ । विद्या तथा प्रतिस्पर्धामा पनि विजयी भइनेछ। आर्थिक लाभ हुने काममा हात हाल्न सकिनेछ । ईर्ष्या गर्नेहरू आफै किनारा लाग्नेछन् । आफ्ना योजना गोप्य राखेरअघि बढ्नुहोला। परिवारका ईच्छा तथा आकांक्षा पुरा गर्न सकिनेछ । पैत्रिक धन तथा सम्पत्तिको प्रयोगमार्फत आम्दानी बढाउन सकिनेछ ।
तुला (रा,रि,रु,रे,रो,ता,ति,तु,ते)
पैत्रिक सम्पत्तिको प्रयोग गरेर आर्थिक रुपमा सम्पन्न हुने योग रहेकोछ । लक्ष्य प्राप्तिको लागि चालिने पाइलाहरु सकारात्मक दिशामा अगाडि बढ्नेछन् । अध्ययन र कामबाट विश्राम पाइनेछ । प्रेममा नजिक हुने समय रहेकोछ । छोटो दुरीको धार्मिक यात्राको योग रहेकोछ । धार्मिक सामाग्री, खाद्यान्न, गरहगहना तथा यात्रासँग सम्बन्धित सामानको व्यापारमा उल्लेख्य बृद्धि हुनेछ ।
बृश्चिक (तो,ना,नि,नु,ने,नो,या,यि,यु)
कल्याणकारि तथा तारिफयोग्ग काम गरी चर्चामा आउन सकिनेछ । भाग्य तथा समयले साथ दिने हुदा सानो प्रयत्नले ठुला कामहरु बन्नेछन् । धर्म तथा अध्यात्मिक क्षेत्रमा ध्यान जाने हुनाले धार्मिक प्रतिष्ठान वा मन्दिर तिरको यात्रा हुनेछ । दाजुभाई तथा जीवन साथिसँगको सम्बन्ध थप सुदृड हुनेछ । लेखन कलाको माध्ययबाट आफ्ना विचारहरु मनमानसमा लैजान सकिनेछ ।
धनु(ये,यो,भा,भि,भु,ध,फा,ढा,भे)
सत्यता बुझेर अगाडि बढ्नुको सट्टा हल्लाको पछि लाग्दा दुख पाइनेछ । पुरानो रोगले सताउन सक्छ ध्यान दिनुहोला । अनावश्यक यात्रा तथा खर्च बढ्ने हुनाले मन चिन्तित रहनेछ । अरुकै कामका लागि समय खर्चनु पर्ने हुँदा आफ्नो काम थाती रहनेछ । सवारी साधनको प्रयोग गर्दा ध्यान दिनुहोला समय मध्ययम रहेकोछ । प्रेममा एक अर्कालाई अविश्वास गर्नाले टाडिनु पर्ने बाध्यता आउनेछ । र, पनि खानपान, भेटघाट र यात्रामा समय खर्च हुनेछ ।
मकर (भो,जा,जि,जु,जे,जो,ख,खि,खू,खे,खो,गा,गी)
सुखदुःखमा साथ दिनेहरू प्रशस्तै भेटिनेछन् भने परिवारजनको साथले नयाँ आशा पलाउनेछ। प्रेम र मित्रताको बन्धन कसिनुका साथै दाम्पत्य सुखमा रमाउने समय छ। विभिन्न सहयोग र उपहार पाइनेछ। आयआर्जन पनि राम्रै हुनेछ। अतिथिका रूपमा सम्मान प्राप्त हुन सक्छ। रमाइलो यात्रा गर्ने अवसर जुट्नेछ। कामबाट पनि फुर्सद पाइनेछ। व्यापारकै शिलशिलामा यात्रा हुने योग रहेकोछ ।
कुम्भ(गु,गे,गो,सा,सि,सु,से,सो,दा)
कुनै पनि प्रतिस्पर्धामा तपाईंको नम अग्र स्थानमा आउनेछ । विछोड भएका आफन्त हरुसँग भेटघाटले मन प्रफुल्लित हुनेछ । व्यापार व्यवसाय फस्टाएर जानेछ भने आय आर्जनका स्रोतहरु बढ्नेछन् । प्रेममा नजिक हुने योग रहेकोछ । पुराना ऋण तथा रोगबाट छुटकारा पाइने समय रहेकोछ । कुटुम्ब तथा मावली पक्षबाट सहयोग पाइनेछ । छोटो दुरीको धार्मिक यात्रा हुनेछ भने लामो दुरीको शैक्षिक यात्राको योग रहेकोछ ।
मीन (दि,दु,थ,झ,ञ,दे,दो,चा,ची)
मेहनेतले प्रतिष्ठित काम गर्ने अवसर जुराउनेछ । सन्तान तथा छोराछोरीले प्रगति गर्ने हुनाले मन प्रशन्न रहनेछ । माया प्रेमको गाठो कसिलो भएर जानेछ भने जीवन साथीले तपाईंको काममा सहयोग गर्ने हुँदा समयमा नै काम सकाउन सकिनेछ । शुभ तथा मांगलिक सभा समारोहमा सहभागी भई मिष्ठान्न भोजन ग्रहण गर्ने अवसर प्राप्त हुनेछ । धर्म, सँस्कृतिको जगेर्ना गर्ने काममा समय व्यतित हुनेछ ।
तपाईंको दिन शुभ रहोस्,
-ज्योतिषी दुर्गा प्रसाद भण्डारी
