चितवन र बुटवलबीचको पहिलो हाफ गोलरहित
काठमाडौं । कप्तान एरिक विष्टको सुन्दर फ्रिकिक गोलमा परिणत हुन नसक्दा नेपाल सुपर लिग (एनएसएल) सिजन तीन अन्तर्गत चितवन एफसी र बुटवल लुम्बिनीबीचको पहिलो हाफ गोलरहितमा समाप्त भएको छ ।
प्रतियोगिताको सातौं दिन शुक्रबार त्रिपुरेश्वरस्थित दशरथ रंगशालामा जारी खेलमा एरिकको सेटपीसबाहेक दुबै टोलीले गोलका अवसर सिर्जना गर्न सकेका छैनन् । खेलको ४०औं मिनेटमा एरिकले ३० यार्ड परबाट गरेको प्रहार क्रस बारमा ठोक्किएर रिबाउन्ड भएको थियो । रिबाउन्ड बललाई बुटवलका खेलाडीले सदुपयोग गर्न सकेनन् । यसअघि चितवनका मिडफिल्डर रोशन रानामगरले मिडफिल्डर प्रदीप लामालाई लडाएपछि बुटवलले फ्रिकिक अवसर प्राप्त गरेको थियो ।
पहिलो खेलमा पोखरा थण्डर्सविरुद्ध २–० को जित हासिल गरेको पोखराको लगातार दोस्रो जित हासिल गर्ने लक्ष्य छ । बुटवलको आफ्नो तेस्रो खेल खेल्दैछ । पहिलो खेलमा झापा एफसीविरुद्ध गोलरहित बराबरी खेलेको बुटवलले दोस्रो खेलमा धनगढीसँग ४-१ को लज्जास्पद हार बेहोरेको थियो ।
चितवनलाई जितका साथ अंकतालिकाको शीर्ष स्थानमा उक्लिने अवसर छ । बुटवलले जित हासिल गरे उसले तेस्रो स्थानमा स्थान बनाउने छ ।
