एकताको वातावरण यही घटनाले बिथोलिने खतरा : नेता रिजाल
जेष्ठ ६,काठमाडौं ।नेकपा एमालेका नेता बिष्णु रिजालले नेकपा एमालेको बन्न लागेको एकताको वातावरण यही घटनाले बिथोलिने खतरा बढेको बताउनु भएको छ । आज राष्ट्रियसभामा भएको अन्तर्घात अनि पार्टीका उमेदवार हराइएपछि उहाको यो प्रतिक्रिया आएको हो ।
उहाँको फेसबुकमा रहेको स्टाटस :
नेकपा (एमाले) का लागि राष्ट्रियसभामा एक सिट ठूलो विषय होइन । तर, बन्न लागेको एकताको वातावरण यही घटनाले बिथोलिने खतरा बढेको छ । यही प्रकरणका कारण पार्टी एकता कार्यदलको काम प्रभावित भइसकेको छ भने नेता-कार्यकर्तामा तिक्तता थपिएको छ । पार्टीमा शक्तिशाली नेताहरूको शक्ति र सीमा सबैलाई थाहा छ र यसको थप प्रदर्शन पार्टीको हितमा छैन । घटनाक्रमहरू हेर्दा देश चुनावतिर सोझिंदै गएको छ । यस्तो वेलामा आपसमा आरोप-प्रत्यारोप गर्नु र ‘काशी जान कुतीको बाटो’ रोज्नुको साटो खुलस्त कुरा गरेर एकता छिटो टुंग्याउनुपर्छ । नत्र यसैगरी देखा पर्ने एकपछि अर्को अड्चनहरूले एकतालाई थप जटिल बनाउने र एमालेका विरोधीहरूलाई मात्र फाइदा पुग्ने निश्चित छ ।
