युवा उद्यम कार्यक्रमको बारे त्रीपक्षिय छलफल
२६ जेठ, काठमाडौं ।
युवा उद्यम कार्यक्रम अगाडि बढाउने बारे राष्ट्रिय युवा संघ नेपाल , राष्ट्रिय युवा परिषद र नेपाल बचत तथा ऋण केन्द्रीय सहकारी संघ लि.(नेफ्स्कून) बीच आज युवा परिषद्को कार्यालयमा छलफल भएको छ ।
आज भएको त्रीपक्षियमा बैठकमा समग्र युवा बिकास , युवा उद्यमि बनाउने बिसयमा छलफल भएको राष्ट्रिय युवा संघ नेपालका उपाध्यक्ष क्षितिज थेबेले जानकारी दिनु भयो । ‘तत्काल यक्सनमा जने गरि योजना बनेको छ’ थेबेले भन्नु भयो ।
युवा संघका अध्यक्ष किरण पौडेलले युवाहरुको विशेषता, मनोभावनाको आधारमा भौगोलिक परिवेश अनुसारको भिन्न भिन्न प्रकारको युवा उद्यम कार्यक्रम अगाडि बढाउनु पर्नेमा जोड दिनु भएको थियो ।युवा परिषदका कार्यकारी उपाध्यक्ष माधब ढुङ्गेलले समृद्ध मुलुक निर्माणमा समग्र युवालाई व्यापक सहभागिता गरि अघि बढ्ने बताउनु भयो । बैठकलाई नेफ्स्कून का अध्यक्ष परिसोत पौडेलले सहजीकरण गर्नु भएको थियो ।
राष्ट्रिय युवा परिषदले बिभिन्न जिल्लामा युवा उद्यम कार्यक्रम अहिले पनि संचालन गरिरहेको छ ।
