एमालेलाई घेराबन्दीमा पार्न खोज्ने षडयन्त्रलाई असफल बनाएरै छोड्छौ : अध्यक्ष ओली
काठमाडौं । नेकपा एमालेका अध्यक्ष केपी शर्मा ओलीले एमालेलाई चौतर्फी घेराबन्दीमा पार्न खोज्ने षडयन्त्रलाई असफल बनाएरै छाडिने बताउनुभएको छ । शुक्रबार केन्द्रीय कमिटी बैठकलाई सम्बोधन गनुृहुँदै अध्यक्ष ओलीले अस्तित्व नै मेटाउँछौ भन्दै एमालेलाई घेराबन्दीमा पार्न खोज्ने षडयन्त्रलाई असफल बनाएर विजयको सुनिश्चित गरी अगाडी बडिने बताउनुभयो ।
अध्यक्ष ओलीले केन्द्रीय सदस्हरुलाई देश र लोकतन्त्रको पक्षमा जनमत सिर्जना गर्ने गरि निर्वाचनको तयारीमा जुट्न निर्देशन दिनुभयो ।
देशलाई समृद्ध र सुखी नेपाली बनाउनका लागि प्रतिबद्ध भएर एमालेले गरेका काम र आगामी योजनालाई लिएर जनतामाझ जान निर्देशन दिनुभयो ।
ओलीले बैठकमा राष्ट्रिय तथा अन्तर्राष्ट्रिय परिस्थिति, राष्ट्रिय राजनीतिक, संगठानिक विषय लगायतका विषय समेटेर राजनीतिक प्रतिवेदन प्रस्तुत गर्र्नुभयो ।
बैठकले निर्वाचनमा उम्मेदवारको छनोट प्रक्रियाको मापदण्ड, स्थानीय निर्वाचन छानविन कमिटीको प्रतिवेदनलगायत पेश, सदस्यता अभिलेख व्यवस्थापन, सल्लाहकार परिषद् र तीनै आयोगका प्रतिवेदन, भारत प्रवासको कामका सम्बन्धमा नियमावली लगायतका विषय टुङ्गो लगाउने एमालेले जनाएको छ। एमाले केन्द्रीय कमिटी बैठक दुई दिनसम्म चल्ने छ।
