संखुवासभामा मोटरसाईकल दुर्घटना हुँदा एमालेका नेताको मृत्यू
खाँदबारी। संखुवासभाको भोटखोलाबाट खाँदबारी आउँदै गरेको मोटरसाईकल मकालुमा दुर्घटना हुँदा भोटखोला गाउँपालिका २ रुकुमाका फुर्पु छिरिङ लामाको मृत्यू भएको छ ।
मकालु गाउँपालिका स्थित फ्याक्सिन्दा उकालो (हेदाङ्ना मुनी) मोटर साईकल दुर्घटना हुँदा कान्छा लामा भनिने फुर्पु छिरिङकाे मृत्यू भएको हो ।लामा नेकपा एमालेको युवा संगठन युवा संघ नेपाल संखुवासभाको निवर्तमान सहसचिव रहेको नेकपा एमालेका नेता वाङ्दावी भोटेले जानकारी दिनुभयो ।लामा मोटर साईकल चालकको पछाडी बसेका थिए । सवारी चालक सिकारु भएकोले मोटरसाईकल दुर्घटनामा परेको हुन सक्ने अनुमान गरिएको नेता भोटेले जानकारी दिनुभयो । माेटर साईकल चालक भने सकुशल रहेकाे बताईएकाे छ ।
मृत्तकको शव अहिले नुमबाट खाँदबारी ल्याउने तयारी भईरहेको समेत नेता भोटेले जानकारी दिनुभयो ।
