साफ क्लब महिला च्याम्पियनसिपमा आज दुई खेल हुँदै
काठमाडौं : साफ क्लब महिला च्याम्पियनसिप २०२६ को साफ महिला क्लब च्याम्पियनसिप अन्तर्गत आज दुई खेल हुनेछन् । भारतको इस्ट बंगाल एफसी र पाकिस्तानको कराची सिटी एफसीले तथा नेपालको एपिएफ फुटबल क्लबले भुटानको ट्रान्सपोर्ट युनाइटेड प्रतिस्पर्धा गर्दै छन् । इस्ट बंगाल एफसी र कराची सिटी एफसीको खेल काठमाडौंको त्रिपुरेश्वरस्थित दशरथ रंगशालामा दिउँसो २ः०० बजे सुरु हुनेछ ।
इस्ट बंगाल लगातर दोस्रो जितको खोजीमा हुनेछ । यो इस्ट बंगालको दोस्रो खेल हो । इस्ट बंगालले पहिलो खेलमा भुटानी क्लब ट्रान्सपोर्ट युनाइटेड लेडिज एफसीलाई ४–० ले हराएको थियो । कराची भने पहिलो जितको खोजीमा हुनेछ । यो कराचीको तेस्रो खेल हो । कराचीले पहिलो र दोस्रो खेलमा क्रमशः ट्रान्सपोर्ट र बंगलादेशको नस्रिन स्पोटटर्स एकेडेमीसँग गोलरहित बराबरी गरेको थियो । प्रतियोगिताअन्तर्गत आजै हुने अर्काे खेलमा घरेलु टिम सशस्त्र प्रहरी बलको एपीएफ फुटबल क्लबले ट्रान्सपोर्टसँग प्रतिस्पर्धा गर्दै छ । यो खेल बेलुका ६ बजे सुरु हुनेछ ।
एपीएफ पनि लगातर दोस्रो जितको खोजीमा हुनेछ । यो एपीएफको दोस्रो खेल हो । एपीएफले पहिलो खेलमा नस्रिनलाई ४–० ले हराएको थियो । ट्रान्सपोर्ट भने पहिलो जितको खोजीमा हुनेछ । ट्रान्सपोर्टले पहिलो खेलमा कराचीसँग गोलरहित बराबरी र दोस्रोमा इस्ट बंगालसँग ४–० को हार व्यहोरेको हो । प्रतियोगितामा कुल पाँच टिमले सहभागिता जनाएकाछन्। नेपालबाट विभागीय टोली एपीएफ, भारतको इस्ट बंगाल, पाकिस्तानको कराँची एफसी, बंगलादेशको नस्रिन स्पोट्र्स एकेडेमी र भुटानको ट्रान्सपोर्ट युनाइटेड लेडिज एफसी रहेका छन्। खेल आगामी पौष ५ गरे सम्म चल्ने छ। 
