१५ वटा हात्तीको १५ महिना लामो यात्रा, थाकेर सुस्ताएको तस्विर चर्चामा
२६ जेठ । चीनमा एसियाली हात्तीहरूको एक बथान यात्रामा छन्। उनीहरू हालसालै जंगलमा निदाइरहेको अवस्थामा भेटिए। भारी वर्षाले यात्रामा केही प्रभाव पारेपछि उनीहरू सियाङ टाउनसिप नजिकै सुस्ताएको देखिएका हुन्। सुस्ताएको बेला ड्रोनबाट खिचिएको तस्विर हाल छाएको छ।
१५ वटा हात्तीको बथानमा ३ वटा छावा छन्। युन्नान फरेस्ट फायर फाइटिङ ब्रिगेडका अनुसार एउटा मत्ता भने समूहबाट ४ किलोमिटर परै देखिन्छ।
१५ महिनादेखि उनीहरू आफ्नो बास्थानदेखि निरन्तर हिँडिरहेका छन्। पाँच सय किलोमिटर हिँडिसकेका उनीहरू खेत, गाउँ र शहर हुँदै यात्रा गरिरहेका छन्। यो बथानलाई चीनका अधिकारीहरूले कडा निगरानी गरिरहेका छन्।
