नेपालको खेत बाझो राखेर भारतलाई पानी दिन सकिँदैनः ओली
पुष ६, कपिलवस्तु। नेकपा एमालेका अध्यक्ष तथा पुर्व प्रधानमन्त्री केपि शर्मा ओलिले नेपालको खेत बाझो राखेर भारतलाई पानी दिन नसकिने बताउनुभएको छ । ’यता नेपाल तर्फ बाझो जमिन छ उता भारत तर्फ खेती भइरहेको छ यो कदापी हुदैन’ ओलिले भन्नुभयो “कपिलवस्तुमा कृषि सिचाइको लागि अब नौमुरे योजना छिट्टै सुरु हुन्छ, ।“ अध्यक्ष ओलीले एमालेसँग मात्र देश बनाउने नीति भएको बताउनु भयो ।
नेकपा एमालेले बेशहारा, अभिभावक विहिनको पार्टि नेकपा एमाले भएको उहाको भनाइ छ । एमालेले बेशहाराका लागि सामाजिक सुरक्षा भत्तालाई प्रोत्साहन गरेको बताउनुभयो । कपिलवस्तुलाई औद्योगिक शहर बनाउने योजनाका साथ अघि बढ्ने बताउनु भयो । अध्यक्ष ओलीले आफ्नो कार्यकालमा भारतसगँ सुमधुर सम्बन्ध स्थापित गरेको बताउनुभयो । जेष्ठनागरिकलाई स्वास्थ्यका लागि एमाले सरकारले औषधी उपचारको ब्यवस्था गरेको बताउनु भयो । सभालाई सम्बोधन गर्दै अध्यक्ष ओलीले हुलाकी राजमार्ग निर्माणका लागि विशेष ध्यान दिने बताउनु भयो ।
आफू प्रधानमन्त्री हुदा कपिलवस्तुको तौलिहवा जस्तो शहरलाई ५० लाख रकम बिनियोजन तथा सडक पुर्वाधारको लागि रकम बिनियोजन गरेको बताउनु भयो । जनता अवास कार्यलाई निरंतरता दिई फुसको छानो मुक्त गाउँ विकास स्थानीय तह एवम् पालिकालाई अनुरोध गर्नु भयो । कपिलवस्तुको बहादुरगंजमा आयोजित आमसभालाई सम्बोधन गर्दै अध्यक्ष ओलीले कपिलवस्तु जिल्लाले अब विकास चाहेको उहाले बताउनु भयो ।
नेकपा एमालेका महासचिव शंकर पोख्रेल हामी जनताबाट डराएका छैनौ भन्नूभयो “हामी चुनाव चहान्छौ“ उनले भने, ‘देउवा सरकार चुनावबाट डराएको छ।’लुम्बिनी प्रदेशका पुर्व मुख्यमन्त्री समेत रहेका पोख्रेलले केपी ओली सरकार भएको समय विकासको लहर चलेको बताउनु भयो । कपिलवस्तुको बहादुरगंजमा नेकपा एमालेको आमसभालाई सम्बोधन गर्दै महासचिव पोख्रेलले अब कपिलवस्तुमा विकासको लहर चल्ने बताउनु भयो ।
