आगामी निर्वाचनमा एमाले दुई तिहाई सिट नजिते म राजनीतिबाटै सन्यास लिन्छु : खगराज अधिकारी
काठमाडौँ / नेकपा (एमाले) का नेता तथा पूर्व गृहमन्त्री खगराज अधिकारीले आगामी निर्वाचनमा एमाले एक्लैले दुई तिहाई बहुमत ल्याउने दाबी गर्नु भयो ।
बिहीबार काठमाडौँमा भएको साक्षात्कारमा बोल्दै उहाँले सङ्घ र प्रदेशको निर्वाचनमा एमाले एक्लैले दुई तिहाई बहुमत ल्याउने बताउनु भयो । त्यसरी लड्दा एमालेले दुई तिहाइ नल्याए आफू राजनीतिबाटै संन्यास लिन तयार रहेको घोषणा गर्नु भयो ।
उहाँले भन्नुभयो, ‘एक्ला एक्लै लडे काँग्रेसले एक सिट पनि जित्दैन । अब काँग्रेस एक्लै लड्न नसक्ने भयो । काँग्रेस एक्लै लड्न आओस्, हामी दुई तिहाइभन्दा बढी सिटमा जित्छौँ । यदि हामीले दुई तिहाई भन्दा बढी सिट जितेनौँ भने म राजनीति छोडिदिन्छु ।’
अहिलेको पाँचदलीय गठबन्धन सरकारका कारण देश जटिल अवस्थामा पुगेको छ । ‘पेट्रोलियम पदार्थको मूल्यको कुरा गर्दा, घटाउनुपर्ने बेलामा १५, १५ दिनमा मूल्य समायोजन हुनुपर्नेमा अहिलेसम्म गरेको छैन । यसले प्रत्यक्ष रूपमा जनता महँगीको मारमा परेका छन् । उहाँले भन्नुभयो ।
उहाँले देशको परराष्ट्र नीतिमा अहिले गम्भीर चूनौति खडा भएको बताउनु भयो।
