ट्रकको ठक्करबाट एकको मृत्यु,३ घाइते
तनहुँको मौरी बजारमा ट्रकको ठक्करले एक जनाको मृत्यु भएको छ । दमौलीबाट पोखरा आउँदै गरेको बाग्मती प्रदेश ०१–००६ ख २८६१ नम्बरको ट्रकले सोही दिशाबाट जाँदै गरेको ग १७ प ६५९७ नम्बरको मोटरसाइकललाई ठक्कर दिएको थियो ।
दुर्घटनामा मोटरसाइकलको पछाडि सवार भिमाद नगरपालिका ९ थामडाँडाकी २६ वर्षीया सुकमाया विकको मृत्यु भएको प्रहरीले जनाएको छ । मोटरसाइकल चालक उनका श्रीमान् ३४ वर्षीय रामचन्द्र विक, र छोरा ३ वर्षका सुमन विक तथा ६ वर्षका गुराँस विक घाइते भएका छन् ।
