केपी ओली कप फुटबल फागुन ११ गतेदेखि
काठमाडौं । केपी ओली कप राष्ट्रिय फुटबल च्याम्पियनसीप प्रतियाेगिताकाे दाेस्राे संस्करण फागुन ११ गतेदेखि सुरु हुने भएकाे छ । नेकपा एमालेकाे युवा संगठन राष्ट्रिय युवा संघ नेपालकाे आयाेजनामा हुने प्रतियाेगिता फागुन ११ गतेदेखि २० गतेसम्म चल्नेछ ।
प्रतियोगिताका खेलहरु च्यासल फुटबल मैदानमा हुनेछ । फाइनल खेल भने दशरथ रंगशालमा खेलाइने आयोजकले जनाएको छ । प्रतियोगिताको विजेताले नगद ११ लाख र उपविजेताले ५ लाख रुपैयाँ पाउनेछ ।
प्रतियोगिताको उत्कृष्ट खेलाडीले १ लाख तथा उत्कृष्ट गोलकिपर, सर्वाधिक गोलकर्ता र उदीयमान खेलाडीले ५०-५० हजार रुपैयाँ पाउने छन् ।म्यान अफ दि म्याचलाई १५ हजार रुपैयाँ प्रदान गरिनेछ ।
