रोनाल्डोको उत्कृष्ट प्रदर्शनमा पोर्चुगलको जित
काठमाडौं १ मंसिर,पोर्चुगलले यूईएफए नेसन्स लिगमा फराकिलो जित हासिल गरेको छ । शुक्रबार राति भएको खेलमा पोर्चुगलले पोल्यान्डलाई ५-१ गोलअन्तरले हराउँदै क्वाटरफाइनलमा स्थान सुरक्षित गर्न पनि सफल भएको छ । पहिलो हाफमा दुवै टोलीले केही अवसर सिर्जना गरेपनि गोल भने गर्न नसक्दा गोलरहित बराबरी खेलेको थियो दोस्रो हाफमा पोर्चुगलको जितमा ३९ वर्षीय स्टार फरवार्ड क्रिस्टियानो रोनाल्डोले दुई गोल गरे । त्यसैगरी राफाया लिओ, ब्रुनो फर्नान्डेस र पेड्रो नेटोले एक/एक गोल र पोल्याण्डका डोमिनिक मार्क्जुकले सान्त्वना गोल फर्काए । ५-१ को फराकिलो जित निकालेको पोर्चुगल लिग ए ग्रुप १ मा ५ खेलमा १३ अंकसहित शीर्ष स्थानमा छ । उसको क्वाटरफाइनलमा स्थान सुरक्षित भइसकेको छ ।
