रोमानिया पठाइदिने प्रलोभन देखाउँदै ठगी गरेको आरोपमा एक पक्राउ
काठमाडौं : आकर्षक तलबमा रोमानिया पठाइदिने प्रलोभन देखाउँदै ठगी गरेको आरोपमा एक जना पक्राउ परेका छन् ।
पक्राउ पर्नेमा कञ्चनपुरको भीमदत्त नगरपालिका-२ का ३४ वर्षीय भानु यजुवेन्द्र कण्ठ रहेका छन् । उनी काठमाडौंको बौद्धबाट बिहीबार पक्राउ परेका हुन् ।
रोमानिया पठाइदिने भन्दै भानुले दुई जनासँग २ लाख रुपैयाँ ठगी गरेको उजुरी परेपछि उनलाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।
