बानेश्वरको रत्नराज्यमा आइसोलेसन सेन्टर संचालनमा
जेष्ठ १७ । काठमाडौंको मुटु मानिने नयाँ बानेश्वरको रत्नराज्य विद्यालयमा आइसोलेसन सेन्टर संचालनमा आएको छ । काठमाडौं महानगरको वडा 10 मा पर्ने उक्त विद्यालयमा सेन्टर स्थापना गर्न प्रदेश सभा सदस्य दिपेन्द्र श्रेष्ठले महत्वपूर्ण भूमिका खेल्नु भएको हो । आइसोलेसन सेन्टर संचालनमा आएपछि बानेश्वरबासि ले समस्या भोग्नु नपर्ने स्थानीयले बताए ।
काठमाडौं महानगरपालिका वडा नम्बर १० को संरक्षण र मुख्य भूमिकामा हन्ड्रेड्स ग्रुप, नेपाल महिला एकता समाज र स्थानीय समाजसेवीहरू अनामिका अर्याल भरत ढकाल, नरेश थापा क्षेत्री लगायतको सहकार्यमा उक्त आइसोलेसन सेन्टर सञ्चालनमा आएको हो । यो आइसोलेसन वार्ड १०० ग्रुपले व्यवस्थापन गर्ने भएको छ । नेपाल महिला एकता समाजले त्यहाँ आवश्यक पर्ने ३० वटा वेड उपलब्ध गराएको छ र आवश्यकता हेरेर थप वेड दिने प्रतिबद्धता जनाएको छ । समाजले अक्सिजन सिलिन्डर मास्क, स्यानिटाइजर, स्यानिटरी प्याड लगायतको अत्यावश्यक स्वास्थ्य सामग्री उपलब्ध गराएको छ ।
