मन्त्रीलाई लाइन बस्नु भन्दा सुरक्षागार्ड पक्राउ
१९ भदौ, काठमाडौं । संस्कृति, पर्यटन तथा नागरिक उड्डयानमन्त्री जीवनराम श्रेष्ठलाई लाइन बस भन्ने एकजना सुरक्षागार्ड पक्राउ परेका छन् ।
काठमाडौको ठलेल स्थित छायाँ सेन्टरमा पुगेका बेलामा त्यहाँ कार्यरत सुरक्षागार्डले लाइनमा बस्न अनुरोध गरेका थिए । पक्राउ पर्नेमा ‘ग्रुप फोर सेक्युरिटी’ अन्तर्गत छायाँ सेन्टरमा कार्यरत शेरजंग कुँवर छन् । उनलाई अभद्र व्यवहारसम्बन्धी कसूरमा म्याद थप गरेर विस्तृत अनुसन्धान गर्न लागिएको प्रहरी श्रोतले बतायो ।
स्रोतका अनुसार पर्यटनमन्त्री श्रेष्ठ छायाँ सेन्टर पुगेका बेला अन्य व्यक्तिहरु लाइन बसिरहेका थिए । निजी सुरक्षा अधिकृत (पीएसओ)सहितका गएका पर्यटनमन्त्री श्रेष्ठ त्यहाँबाट अगाडि जान खोज्दा उनले रोकेका थिए । लगत्तै पीएसओले उनी मन्त्री भएको बताए । यहीँ कुरामा त्यहाँ केही बेर विवाद समेत भएको थियो ।
