भारतीय शार्पशुटर पक्राउ , प्रहरीले हानेको गोली लाग्यो खुट्टामा
बारा । कार्तिक २३ मा बाराको कलैयामा रहेको बालएकता बोर्डिङ स्कुलका प्रधानाध्यापक रूपेश स्वर्णकारको हत्या गर्ने समूहका मुख्य शार्पसुटर भनिएका सुजित सिंहलाई हिजो साझ प्रहरीले पक्राउ गरेको छ ।
सिंहलाई भारतीय सीमासँग जोडिएको छतवा मुसहर्वा नाकाबाट प्रहरीले गोली हानेर पक्राउ गरिएको हो । श्रोतका अनुसार साँझ ६ बजेदेखि नै सिंहलाई नियन्त्रणमा लिन प्रहरी परिचालन गरिएको थियो । उनी त्यो क्षेत्र वरिपरि बस्ने गरेको प्रहरीले पत्ता लगाएको थियो ।
सिंहलाई नियन्त्रणमा लिने क्रममा घुँडाभन्दा मुनि गोली हान्नुपरेको र यस विषयमा थप अनुसन्धान भइरहेको एक प्रहरी अधिकारीले बताए ।
प्रअ स्वर्णकारको गत १३ कात्तिकमा स्कुलनजिकै मदरसा टोलमा टाउको र छातीमा गोली हानेर हत्या भएको थियो । त्यसयता नै प्रहरीले सिंहलाई खोज्दै आएको थियो ।
