नेपालका १४ शहरमा डेटा सेन्टर निर्माण गर्दै वर्ल्डलिंक
माघ १५ /काठमाडौं । नेपालको सबैभन्दा ठूलो इन्टनेट सेवा प्रदायक कम्पनी वर्ल्डलिंकले नेपालका १४ शहरमा डेटा सेन्टर निर्माण गर्ने भएको छ ।
कम्पनीले बिहीबार गरेको एक कार्यक्रम मार्फत् ३ अर्ब लगानीमा देशका १४ शहरमा डेटा सेन्टर निर्माण गर्ने घोषणा गरेको हो ।
कम्पनीका अनुसार काठमाडौं, भरतपुर,हेटौंडा,बुटवल, लेखनाथ, भक्तपुर, दुहाबी, बिरगंज,भैरहवा,सुर्खेत, ढल्केबर, अत्तरिया, र कोहलपुर मा डेटा सेन्टर बनाइने छ । डेटा सेन्टर निर्माण गर्न ३ वर्ष लाग्ने कम्पनीले जनाएको छ ।
१४ डेटा सेन्टर मध्ये काठमाडौंको डेटा सेन्टर सबैभन्दा ठूलो हुनेछ । यो डेटा सेन्टरमा ३५० र्याक्स हुनेछन् भने टायर ३ प्रमाणीकरण सहितको हुनेछ ।
