खानेपानी प्रमुखलाई नियन्त्रणमा लिएर दुर्व्यवहार
कार्तिक ४ ,जनकपुरधाम । डा सीके राउत नेतृत्वको जनमत पार्टीका कार्यकर्ताहरुले खानेपानी तथा ढल निकास कार्यालय जनकपुरधामका निमित्त प्रमुखलाई कुटपिट गर्दै अर्धनग्न अवस्थामा नगर घुमाएका छन्।
जनमत पार्टीका कार्यकर्ताहरुले भ्रस्टाचार गरेको आरोप लगाउदै उक्त कार्य गरेको जनमत पार्टीका कार्यकर्ता बताउछन् । जनमत पार्टीका नेता तथा कार्यकर्ताहरुले खानेपानी तथा ढल निकास कार्यालय जनकपुरधामका निमित्त प्रमुख राजेश कुशवाहालाई कुटपिट गर्दै नगर परिक्रमा गराएका हुन्। पार्टीका कार्यकर्ताहरुले कुशवाहाको लुगा च्यात्नुका साथै मुखमा नालामा रहेको हिलो दलेर अर्धनग्न अवस्थामा कुटपिट गर्दै नगर घुमाएका थिए। उनीहरुले ‘साइकल चोर देश छोड’, ‘भ्रष्ट मेयर चाहिँदैन’ लगायतका नारा लगाएका थिए।
घटनामा संलग्न भएकाे आराेपमा प्रहरीले जनमत पार्टीका १० जना कार्यकर्तालाई पक्राउ गरिएकाे धनुषा प्रहरीले जनाएकाे छ।
