एकैदिन ९३४ जनामा कोरोना संक्रमण, १ जनाको मृत्यु
काठमाडौँ । नेपालमा पछिल्लो २४ घण्टामा ९३४ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले पछिल्लो २४ घन्टामा देशभरबाट ५३५१ नमूना परीक्षण गर्दा ९३४ जनामा संक्रमण पुष्टि भएको हो ।
मन्त्रालयका अनुसार पीसीआर विधिबाट २८६२ र एन्टिजेनबाट २४८९ नमूनाको परीक्षण गर्दा पीसीआरबाट ४९८ र एन्टिजेनबाट ४३६ नमूनाको रिपोर्ट पोजिटिभ आएको हो।
२४ घन्टाको अवधिमा थप ४७० जना कोरोनामुक्त भएका छन् भने एक जनाकाे मृत्यु भएको छ ।
हाल देशभर कोरोना भाइरसको सक्रिय संक्रमितको संख्या ५६८६ पुगेको छ ।
पछिल्लो २४ घन्टामा थप ३२ हजार ५३४ जनाले कोरोनाविरुद्धको खोप लगाएका छन् ।
