मोटरसाइकललाई ठक्कर दिएर फरार चालक पक्राउ
काठमाडौँ। मोटरसाइकललाई ठक्कर दिई फरार रहेका निशान गाडीका चालकलाई प्रहरीले पक्राउ गरेको छ ।
गत बिहीबार राति ११:५० बजे काठमाडौँ जिल्ला कागेश्वरी मनोहरा नगरपालिका वडा नं.५ थली स्थित सडकखण्डमा प्रदेश ३-०१-०० ३ क ६४८८ न.को निशान गाडी र बाग्मती प्रदेश ०२-०३२ प ३३४१ नं. को मोटर साइकल एक आपसमा ठक्कर खाई सवारी दुर्घटना भएको थियो ।
दुर्घटनापछि निशान गाडी चालक काभ्रेपलाञ्चोक स्थायी ठेगाना भएका १९ वर्षीय सञ्जय स्याङ्तान गाडी छाडी फरार रहेका थिए । उनलाई प्रहरी वृत्त बौद्धबाट खटिई गएको प्रहरी टोलीले शुक्रबार ललितपुरको हरिसिद्धीमा लुकीछिपी बसेको अवस्थामा पक्राउ गरेको थियो ।
