विश्नोईको नाममा धम्की दिने आरोपित युवा र दुर्गा प्रसाईंबीच कनेक्सन



काठमाडौं : भारतीय गुन्डा नाइके लरेन्स विश्नोईको नाम लिएर नेपाली व्यवसायीलाई धम्क्याएको आरोपमा पक्राउ परेका व्यक्ति र विवादास्पद मेडिकल व्यवसायी दुर्गा प्रसाईंबीच कनेक्सन रहेको खुलेको छ ।

प्रहरीको केन्द्रीय अनुसन्धान ब्युरो (सीआईबी) ले झापाको मेचीनगर–१३ का हरिचन्द्र फुयाँललाई बिहीबार पक्राउ गरेर काठमाडौं ल्याएको थियो । ती युवामाथि अनुसन्धान गर्दा प्रसाईंबीचको कनेक्सन खुलेको हो । सीआईबीका एक अनुसन्धान अधिकृतका अनुसार प्रसाईं र फुयाँलबीच पटक–पटक फोन संवाद हुने गरेको खुलेको छ ।

व्यवसायीहरूले धम्की आएको उल्लेख गरेको मितिमा मात्रै उनीहरूबीच १०० बढी पटक फोन सम्पर्क भएको सीआईबी स्रोतले जानकारी दियो । सीआईबीका एसपी तथा प्रवक्ता होविन्द्र बोगटीले पनि उनीहरूबीच फोन सम्पर्क भएको प्रमाणहरू फेला परेको स्वीकारे ।

‘प्रसाईं र फुयाँलबीचको फोन सम्पर्क हुने गरेको प्रमाणहरू भेटिएका छन् । अब किन के उदेश्यले फोन सम्पर्क भए भन्ने विषयहरू अनुसन्धानकै क्रममा रहेका छन्,’ बोगटीले भने ।

यसअघि सीआईबीले फुयाँललाई सार्वजनिक गर्दा पनि प्रसाईंको निर्देशनमा काम गरेको बताएको थियो । ‘भारतीय आपराधिक समूहको नामबाट व्यवसायीहरूलाई धम्की दिने कार्य दुर्गा प्रसाईंको निर्देशनमा गरेको देखिन्छ,’ सीआईबीले उल्लेख गरेको थियो ।

उनले नेपालका विभिन्न जिल्लाहरूबाट घिउ लगेर भारतमा बेच्ने गरेको प्रहरी समक्ष बताएका छन् । भारतको पानीट्यांकी भन्ने ठाउँमा आफ्नो पसल समेत रहेको उनको भनाइ छ ।

फुयाँलले विश्नोईको नाम लिएर विवादास्पद मेडिकल व्यवसायी प्रसाईंसँग माफी माग्न भनेको समेत खुलेको छ । प्रसाईंसँग माफी नमागे ज्यान समेत जान सक्ने भन्दै उनले धम्की दिएका थिए । यहीबीचमा उनी र प्रसाईंबीच १०० बढी कल आदानप्रदान भएको भेटिएपछि प्रसाईंकै निर्देशनमा उनले काम गरेको सीआईबी स्रोत बताउँछ ।

NSL मा धनगढी एफसी र बुटवल लुम्बिनी एफसी भिड्दै

काठमाडौं : काठमाडौंमा जारी नेपाल सुपर लिग (एनएसएल) मा मंगलबार साबिक उपविजेता धनगढी

एफसी चितवनसँग पहिलोपल्ट हार्‍यो पोखरा थन्डर्स

काठमाडौँ : पोखरा थन्डर्सलाई पहिलोपल्ट पराजित गर्दै एफसी चितवनले जितसहित नेपाल सुपर लिग

काठमाडौंमा राजावादीविरुद्ध एमालेको मोटरसाइकल र्‍याली

काठमाडौं : नेकपा एमालेले राजावादीको गतिविधिविरुद्ध मोटरसाइकल र्‍याली गरेको छ। एमालेको भातृसंस्था युवा संघको

पोखरामा अन्तर्राष्ट्रिय स्तरको लायन्स कप पुरुष भलिबल प्रतियोगिता हुने

काठमाडौं : लायन्स इन्टरनेशनल डिष्ट्रिक्ट ३२५ एम नेपालको आयोजनामा पोखरामा अन्तर्राष्ट्रिय स्तरको लायन्स

 सामाजिक सञ्जालमा हामी