अर्धशतसँगै काठमाडौं गुर्खाजले पोखरा एभेन्जर्सलाई ६ विकेटले पराजित



काठमाडौं: स्टीफन एस्किनाजीको अर्धशतसँगै काठमाडौं गुर्खाजले नेपाल प्रिमियर लिग (एनपिएल) मा तेस्रो जित हात पारेको छ।

शनिबार भएको खेलमा काठमाडौंले पोखरा एभेन्जर्सलाई ६ विकेटले पराजित गरेको हो। योसँगै ६ खेलबाट ६ अंक पुर्‍याएको काठमाडौंले प्लेअफ सम्भावना कायम राखेको छ।  काठमाडौंले अन्तिम खेल छैटौं स्थानको विराटनगर किङ्ससँऊ खेल्ने छ।

यता, पोखराको भने प्लेअफ सम्भावना लगभग सक्किएको छ। विराटनगर र पोखराको समान खेलबाट चार अंक छ। पोखराले अन्तिम खेल दोस्रो स्थानको सुदूरपश्चिम रोयल्ससँग खेल्ने छ।

सुदूरपश्चिमले पाँच खेलबाट आठ अंक जोडेको छ। एक खेल बढी खेलेको कर्णाली याक्सको पनि समान अंक छ। यस्तै, चितवन राइनोजको पनि काठमाडौंको जति नै ६ अंक छ।

पोखराले दिएको १३९ रनको लक्ष्य पछ्याएको काठमाडौंले १४.१ ओभरमा चार विकेट गुमाउँदै १४२ रन बनायो।

काठमाडौंका एस्किनाजीले अर्धशतकीय इनिङ्स खेले। ३४ बल खेलेका उनले १० चौकासहित ६० रन बनाए। एनपिएलमा उनको यो पहिलो अर्धशतक हो। अर्का ओपनर माइकल लेभिट ३२, भीम सार्की २२ र करण केसी एक रनमा आउट हुँदा ग्रेहार्ड इरास्मस २५ रनमा अविजित रहे।

पोखराका विपिन खत्रीले सर्वाधिक तीन विकेट लिए। त्यसअघि कीर्तिपुरस्थित त्रिवि क्रिकेट मैदानमा टस हारेर क्रिजमा उत्रिएको पोखराले निर्धारित २० ओभरमा आठ विकेट गुमाउँदै १३८ रन बनायो।

पोखराका ओपनर आन्द्रेस गौउस चल्न सकेनन्। कप्तान कुशल भुर्तेल पनि सात रनमा पभिलियन फर्किए। तर, ओपनर दिनेश खरेलले उत्कृष्ट ब्याटिङ देखाउँदै ३८ रनको योगदान दिए।

२५ बल खेलेका उनले ६ चौका र एक छक्का प्रहार गरे। चौथो नम्बरमा आएका दिलिप नाथले पनि २७ रन थपिदिए। यही खेलमा डेब्यु गरेका आकर्षित गोमेल आठ, माइकल लीस्क एक, नारायण जोशी शून्य रनमा आउट हुँदा रोमन रेइफर ४१ रनमा अविजित रहे।

३० बल खेलेका उनले एक चौका र तीन छक्का प्रहार गरे। काठमाडौंका करण र राशिद खानले सानदार बलिङ देखाउँदै समान तीन विकेट लिए। ग्रेहार्ड इरास्मस र माइकल लेभिटको नाममा समान एक विकेट रह्यो।

केपी ओली कपको दोस्रो सेमिफाइनलमा केपी एफसी र मच्छिन्द्र खेल्दै

काठमाडौंमा जारी केपी ओली कप फुटबल च्याम्पियनसिपअन्तर्गत शनिबार दोस्रो सेमिफाइनल खेल हुँदैछ। फाइनल

संकटालाई हराउँदै आर्मी केपी ओली कप फुटबलको फाइलनमा प्रवेश

काठमाडौं  : संकटा क्लबलाई हराउँदै त्रिभुवन आर्मी क्लब जारी केपी ओली कप फुटबल

प्रधानमन्त्री र केपी ओली कप फुटबल च्याम्पियनसिपका खेलाडीबीच भेट

काठमाडौं :  प्रधानमन्त्री केपी शर्मा ओली र तेश्रो केपी ओली कप फुटबल च्याम्पियनसिपका

राष्ट्रिय परिचयपत्र विवाद : सर्वोच्चद्वारा रिट खारेज

काठमाडौं : सर्वोच्च अदालतले राष्ट्रिय परिचयपत्र विवादसम्बन्धी रिट खारेज भएको फैसला सुनाएको छ। प्रधान न्यायाधीश

 सामाजिक सञ्जालमा हामी