देउवा सरकार गठन भएपछिअर्थतन्त्रका सवै परिसूचकहरु झनझन खराव
काठमाडौं । प्रधानमन्त्री शेरबहादुर देउवा नेतृत्वको सरकार गठन भएपछि अर्थतन्त्रका सवै परिसूचकहरु झनझन खराव बन्दै गएको तथ्यांकले देखाएको छ । देउवा सरकार र राष्ट्र बैंकबाट सुधारका लागि प्रयास थालिएको दावी गरेपनि ६ महिनासम्ममा अर्थतन्त्रका महत्वपूर्ण परिसूचक झनझन खराब बन्दै गएको तथ्यांकहरूले देखाएको हो ।
राष्ट्र बैंकले बुधबार सार्वजनिक गरेको गत पुसको वित्तीय तथा आर्थिक प्रतिवेदनअनुसार गत पुससम्ममा शोधानान्तर स्थिति २ खर्ब ४१ अर्ब रुपैयाँ घाटामा रहेको छ । केपी शर्मा ओली नेतृत्वको सरकार रहँदा अघिल्लो वर्षको सोही अवधिमा शोधनान्तर स्थिति १ खर्ब २४ अर्ब ९२ करोड बचतमा रहेको थियो ।
मुलुक भित्रिने र बाहिरिने विदेशी मुद्राको अवस्था देखाउने सूचक शोधनान्तर हो । राष्ट बैंकको तथ्यांकअनुसार गत मंसिरमा यो १ खर्ब ९५ अर्ब रुपैयाँ घाटामा थियो । एक महिनामा मुलुक भित्रिनेभन्दा थप ४६ अर्ब रुपैयाँ बढी विदेशी मुद्रा बाहिरिएको छ । गत पुससम्मको शोधनान्तर घाटा हालसम्मकै उच्च हो । गत आर्थिक वर्षको प्रचलित मूल्यको कुल गार्हस्थ्य उत्पादन ९जीडीपी० को अनुपातमा यो ५.६५ प्रतिशत हो ।
गत मंसिरमा यस्तो अनुपात ४।६ प्रतिशत रहेको थियो । त्यसअघि आर्थिक वर्ष २०३९र४० मा शोधनान्तर घाटा जीडीपीको २ र आर्थिक वर्ष २०७५र७६ मा २.३५ प्रतिशत थियो । त्यसयता वार्षिक रूपमा त्यति धेरै शोधनान्तर घाटा भएको थिएन । तर चालु आर्थिक वर्षको पहिलो महिनादेखि नै शोधानान्तर घाटा निरन्तर बढदै गएको छ । सोही क्रममा ६ महिनामा २ खर्ब ४१ अर्ब २३ करोड रुपैयाँ घाटामा गएको हो ।
पछिल्ला महिनामा अर्थतन्त्रको अवस्था झनझन बिग्रिँदै गएकाले राज्यस्तरबाट तत्काल सुधारका कदम चाल्नुपर्ने अर्थविदहरूले बताएका छन । भन्सार बिभागले गत पुससम्म ११ खर्ब १८ अर्ब रुपैयाँ बराबरको कुल वैदेशिक व्यापार भएको जनाएको छ । यसमध्ये ९ खर्ब ९९ अर्ब ३४ करोड रुपैयाँको आयात र १ खर्ब १८ अर्ब रुपैयाँको निर्यात भएको छ ।
