सैनिक संघ बराहक्षेत्र ५ वार्ड समिति गठन
बराहक्षेत्र । नेपाली कांग्रेसको भातृ संगठन सैनिक संघ बराहक्षेत्र ५ नम्बर वार्ड कार्यसमिति गठन भएको छ । वार्ड कार्यसमितिको बुधबार बसेको बैठकले टिकाराम खत्रीको सभापतित्वमा समिति गठन गरेको हो ।
९ सदस्यीय समितिमा सभापति खत्रीसहित उपसभापतिद्वय बन्दुलाल धामी र कुमार कार्की, सचिव रमन पाण्डे र सहसचिव ठम बहादुर खड्का रहेका छन् । यस्तै, सदस्यहरुमा गोबिन्द कार्की, रोहित बस्नेत, धनिराम धामी र खम्बा बहादुर खड्का रहेको कांग्रेस वार्ड नम्बर ५ सभापति दिल बहादुर पौडेलले जानकारी दिए । उनकाअनुसार वार्डमा रहेका सैनिकहरुलाई एकीकृत गर्न समिति गठन गरिएको हो ।
कार्यक्रममा नवगठित समितिलाई केन्द्रीय महाधिवेशन प्रतिनिधि जगत बहादुर कार्की, नगर उपसभापति जित बहादुर पौडेल, नगर सदस्य डिक बहादुर कार्की लगायतले बधाई ज्ञापन गरेका थिए ।
